Foto: QR OAM
Shymkentte «Bilim keleshegi: adal azamat, kásibi maman» atty qalalyq tamyz konferentsiiasy ótti, dep habarlaidy Ult.kz.
Oǵan 2 myńnan astam pedagog, memlekettik organ jáne ÚEU ókilderi qatysty. Plenarlyq otyrysqa QR Oqý-aǵartý ministri Ǵani Beisembaev pen qala ákimi Ǵabit Syzdyqbekov arnaiy qatysty.
Ministr muǵalimderdiń quqyqtaryn qorǵaý – memlekettiń basty ustanymy ekenin atap ótti.
«Muǵalimdi qorǵaý arqyly biz balalardyń sapaly bilim alýǵa degen quqyǵyn qorǵaimyz», – dedi ol.
Beisembaev jańa oqý jylyndaǵy negizgi baǵyttardy jariialady:
-
📌 «Tsifrlyq saýattylyq» pen «Informatikaǵa» jasandy intellekt elementteri engiziledi;
-
📌 AI-Kitap bilim berý platformasy iske qosylady;
-
📌 Qarasha aiynda ata-analar komitetteriniń respýblikalyq forýmy ótedi;
-
📌 Qazaqstan mektepterinde biryńǵai dizain-kod engiziledi.
Konferentsiia sońynda 25 pedagog pen birqatar tehnikalyq qyzmetker alǵash ret eńbegi úshin marapattaldy.
