Qazir otbasymen Izrailde turatyn reseilik ázilkesh ári telejúrgizýshi Maksim Galkin Pasha qarsańynda reseilik áskerilerdiń Odessaǵa zymyrandyq shabýylyna qatysty Instagram paraqshasynda pikir bildirdi, dep habarlaidy Ulysmedia.kz.
Buryn habarlanǵandai, Odessadaǵy áýe soqqysy saldarynan segiz adam qaza taýyp, 18-20 adam jaralanǵan. Qaza tapqandardyń arasynda úsh ailyq sábi de bar.
"Pasha qarsańynda reseilik qanatty zymyrandar Odessadaǵy turǵyn úige soqqy jasady. Saldarynan birneshe otbasy men úsh ailyq bala qaitys boldy. Sonda qalai? Maǵan túsindirińizshi. Qanatty zymyrandar turǵyn úilerge nege soqqy jasady. Álde taǵy biz emes pe?”, – deidi Galkin.
Shoýmen reseilik taraptyń nusqalarynyń birin estigenin, zymyran nelikten turǵyn úige tigenin de aitty.
“Men dáldigi joǵary zymyrandar turǵyn úige tigenin estidim. Sebebi ýkrainalyq áýe qorǵanysy bul zymyrandardy atyp túsiripti. Iaǵni áýe qorǵanysy jumys istemeýi kerek eken. Sonda bári jaqsy bolar ma edi? Osynshama sumdyq jaǵdaiǵa Resei kináli, sóite tura kináli emespiz deidi. Býchadaǵy jaýyzdyqty jasaǵan biz emes, Odessaǵa zymyran ushyrǵan – ol da biz emes. Mariýpol jermen jeksen boldy – taǵy da biz emes. Sonda orystar ol jerde ne istep júr?” - dep surady yzaly Galkin.
