Almaty oblysy ákiminiń ókimimen Ǵaliasqar Tólendiuly Sarybaev Almaty oblysynyń ishki saiasat basqarmasynyń basshysy bolyp taǵaiyndaldy, - dep habarlaidy "Ult aqparat".
Ǵaliasqar Tólendiuly 1963 jyly týǵan. Kirov atyndaǵy Qazaq memlekettik ýniversitetin, Qazaq eńbek jáne áleýmettik qatynastar akademiiasyn bitirgen. Mamandyǵy boiynsha mehanik, zańger.
Eńbek jolyn Pavlodar zaýytynda injener-konstrýktor bolyp bastaǵan.
Ár jyldary Kerbulaq aýdandyq komsomol komitetiniń bólim meńgerýshisi, Gvardiia jáne Kerbulaq aýdandyq komsomol komitetiniń birinshi hatshysy, Y. Altynsarin atyndaǵy orta mekteptiń direktory, Kerbulaq aýdandyq jastar isi, týrizm jáne sport basqarmasynyń basshysy, Kerbulaq aýdany ákimi apparatynyń uiymdastyrý jáne kadr jumysy bóliminiń bas mamany, bólim meńgerýshi, «Otan» qoǵamdyq uiymynyń ortalyq keńesi tóraǵasynyń orynbasary, Almaty oblysynyń qoǵamdyq kelisim jáne aqparat basqarmasynyń bólim bastyǵy, ishki saiasat basqarmasy bastyǵynyń orynbasary, Taldyqorǵan qalasy ákiminiń orynbasary, oblystyq ishki saiasat basqarmasynyń bastyǵy, Nur Otan partiiasy Almaty oblystyq filialy tóraǵasynyń birinshi orynbasary, Almaty oblysy ákiminiń keńesshisi qyzmetin atqardy.
2020 jyldyń qańtarynan búgingi kúnge deiin Almaty oblysy ákimi apparatynyń ádep jónindegi ýákili boldy.
