Gabriel Borich Chili tarihyndaǵy eń jas prezident atandy. «Abyroidy maquldaimyn» sol koalitsiiasynan sailaýǵa túsken 35 jastaǵy kandidatqa ekinshi kezeńde 55,87% sailaýshy daýys bergen, dep habarlaidy QazAqparat euronews.com saityna silteme jasap.
Saiasatqa stýdenttik qozǵalystan kelgen Borichtiń sailaýaldy ýádeleriniń biri – áleýmettik teńsizdikpen kúresý. Ol molshylyqqa salyq salyp, jeke zeinetaqy qory júiesinen bas tartýdy usyndy.
«Men ózimdi, bizdiń jobamyz siiaqty, ádilettilik, demokratiiany keńeitý, adam quqyǵyn qorǵaý, bostandyqty qorǵaý úshin kúreskenderdiń uzaq tarihi jolynyń murageri retinde sezinip otyrmyn. Osy úlken otbasyny qaitadan birge kórgim keledi, óitkeni bul sahnada jańa tarihi kezeń bastalady», - dep málimdedi Gabriel Borich.
Borichtiń qarsylasy, ýltrakonservativtik saiasatker Hose Antonio Kast 45%-dan az daýys jinady.
Chilidegi sailaý koronavirýs pandemiiasynan týyndaǵan daǵdarys, narazylyqtar men tártipsizdikterge ákelip soqtyrǵan áleýmettik shielenister, sondai-aq úkimet pen mapýche úndisteriniń radikaldy toptary arasyndaǵy qaqtyǵystyń shielenisýi jaǵdaiynda ótti.
