«Úlken jetilik» (G7) elderi kópultty korporatsiialarǵa salyq salý jónindegi tarihi kelisimge qol jetkizdi. Londonda ótken kezdesýde ekonomikalyq damyǵan elderdiń qarjy ministrleri halyqaralyq korporatsiialar tirkelgen elderinde emes, tabys tabatyn elderinde salyq tóleýi tiis ekendigimen kelisti, dep habarlaidy VVS.
Ministrler sondai-aq minimaldy korporativtik salyq 15 paiyzdy bolady dep kelisti. Bul jekelegen elderdiń salyq mólsherlemesin azaitý arqyly olardy ózine keltirýge árekettenbeýi úshin kerek.
Jańa erejelerge baǵynýy tiis korporatsiialar arasynda Amazon jáne Google tárizdi alpaýyttar bar.
Bul máseleniń aýqymdy ekenin kórsetetin mysal retinde osy aptada Microsoft kompaniiasynyń Irlandiiadaǵy filialy byltyr 315 mlrd AQSh dollary kólemindegi tabysy bolatyn Irlandiiaǵa birde bir eýro salyq tólemegeni týraly aqparatty keltirýge bolady. Buǵan kompaniianyń resmi túrde Bermýdta tirkelgeni sebep bolǵan.
Salyq kelisimi AQSh, Ulybritaniia, Frantsiia, Germaniia, Kanada, Italiia jáne EO arasynda ornatyldy.
Salyq júiesin birizdendirý týraly kelisimge kóp jyl talqylaýdan keiin qol jetkizildi. Qujat basqa elder, sonyń ishinde «Úlken jiyrmalyq» (G20) elderine qysym jasaýǵa qoldanylýy múmkin. G20 jiyny kelesi aida ótkiziledi.
Kóptegen elderiń úkimeti transulttyq korporatsiialardy burynnan beri sol elde túsken tabysynan salyq tóleýge májbúrlemek bolǵan. Alaida alpaýyt kompaniialar filialyn biznes júrgizgen elde emes, salyǵy az elderde tirkep, tapqan tabysynyń barlyǵyn sol jerde deklaratsiialaǵan.
Bul – jańa paida bolǵan problema emes, biraq sońǵy onjyldyqta Google jáne Facebook siiaqty tehnologiialyq alpaýyttar qurylǵannan keiin ózekti bola tústi.
