Qazaqstandyq «Qairat» búgin, 20 aqpanda fýtzaldan Chempiondar ligasy 1/8 finalynda óz alańynda Rýmyniianyń «Iýnaited Galats» komandasymen kezdesedi, dep habarlaidy "Ult aqparat".
Oiyn Almaty qalasyndaǵy «Nur-Aman» sport kesheninde ótedi.
Kezdesý elorda ýaqytymen 18.00-de bastalyp, «Qazsport» telearnasynan kórsetiledi.
Esterińizge sala ketelik, «Qairat» týrnirdiń 1/16 finalynda syrt alańda Belarýstiń «VitEn» komandasyn 5:3 esebimen súrindirdi.
«Qairat» atalǵan týrnirde 2012/2013, 2014/2015 jyldarda jeńimpaz atanǵan bolatyn.
Bul ýaqytta týrnir UEFA kýbogy dep atalatyn.
Aita keteiik, budan buryn atalǵan týrnirdiń 1/8 finalynda qazaqstandyq «Aqtóbe» komandasy Sloveniianyń «Dobovets» klýbyna 1:2 esebimen jol berip, shirek finaldan shet qaldy.
