Fýtboldan Premer-liga komandalary arasyndaǵy el birinshiliginiń aiaqtalýyna bir týr qaldy. Degenmen chempion jáne júldegerler tolyq anyqtaldy, dep habarlaidy "Ult aqparat".
Biyl chempiondyq ataq Almatynyń «Qairatyna» buiyrdy. Al búgingi týrda Qostanaidyń «Tobyly» kúmis, elordalyq «Astana» qola medal iegeri atandy.
Búgin «Astana» Taldyqorǵannyń «Jetisýyn» 2:1 esebimen jeńgen bolatyn. Al qostanailyq klýb jambyldyq «Taraz» komandasynan 2:0 esebimen basym tústi.
Osylaisha qostanailyq komanda 38 upai jinap, Premer-liganyń aiaqtalýyna bir týr qalǵanda «Astanadan» bes upaiǵa uzap ketti.
Eske salsaq, «Tobyl» budan buryn 2003, 2005, 2007, 2008 jyldarda kúmis júldege qol sozdy. Al 2010 jyly Qazaqstan chempiony atansa, 2002, 2004, 2006, 2018 jyldarda úshinshi oryn aldy.
Sondai-aq, búgin Qaraǵandynyń «Shahteri» Aqtaýdyń «Kaspiiin» 4:0, Petropavldyń «Qyzyljary» Qyzylordanyń «Qaisaryn» 2:1 esebimen jeńdi. Atalǵan týrdaǵy «Qairat» pen «Oqjetpes» komandalary aldyn ala 11 naýryzda kezdesip, almatylyqtar 5:0 esebimen basym tústi.
