Fýtboldan Qazaqstan chempionatynyń ataýyna ózgeris endi, dep habarlaidy "Ult aqparat".
Qazaqstannyń kásipqoi fýtbol ligasy taratqan aqparatqa sáikes, jańa ataý Qostanaida ótken atqarý komitetiniń jiynynda qabyldandy.
«Qazaqstan fýtbol federatsiiasy men Qazaqstannyń kásipqoi fýtbol ligasy OLIMPBET býkmeker kompaniiasymen seriktestik jóninde kelisimge qol qoidy. Seriktestik úsh jylǵa sozylyp, 2020, 2021 jáne 2022 jylǵy maýsymdardy qamtidy. Kelisim boiynsha qazaqstandyq joǵary divizionnyń jeke logotipi men resmi ataýy 2020 jyldyń naýryzynan bastap ózgeredi. Endi ishki chempionaty «OLIMPBET – fýtboldan Qazaqstan Chempionaty» atalady», - delingen liga aqparatynda.
Sonymen qatar, fýtbolshylardy tirkeýdiń ekinshi merziminen bastap legioner oiynshylardyń jas erekshelikterine qoiylatyn shekteýler alynyp tastalady. Fýtbolshylardyń qujattaryn qabyldaýdaǵy qazirgi ereje boiynsha Qazaqstan jáne Eýraziialyq ekonomikalyq odaqqa múshe emes elderdiń azamattarynyń jas ereksheligi 1989 jyldan joǵary bolmaýy tiis.
