Fýtbol oinai almaǵyna úshin únemi synyptastarynyń kelemejdeýine ushyraǵan jasóspirim ózine qol jumsaǵan. Bul týraly búgin Ortalyq kommýnikatsiialar qyzmetindegi baspasóz máslihatynda QR Ishki ister ministriniń birinshi orynbasary Marat Qojaev aitty, dep habarlaidy QazAqparat.
«Kriminalistika tarihy birneshe márte qylmys jasaǵan qylmyskerlerdiń basym bóligi qatarlastarynyń kemsitýshiligine jáne otbasyndaǵy nashar qarym-qatynasqa ushyraǵandyǵyn kórsetip otyr. Máselen elimizdegi mektepterdiń biriniń 12 jastaǵy oqýshylary óz synyptastaryna fýtboldy jaqsy oinai almaǵany almaǵany úshin únemi psihologiialyq qysym kórsetken», - dedi ol.
Onyń atap ótýinshe, fýtbol komandasy birneshe oiynda jeńilgennen keiin oqýshylar barlyq kináni synyptastarynyń nashar oiynan aýdaryp kiná taqqan.
«Kelemejdeýge ushyraǵan bala ózine qol salyp qaitys boldy. Jalpy, balalar sýitsidiniń 80 paiyzynda sebebin anyqtaý múmkin emes. Biraq, únemi, onyń ishinde qatarlastarynan da jábir kórýmen bailanysty psihologiialyq soqqynyń da yqtimal ekendigin eshkim joqqa shyǵara almaidy», - dedi Marat Qojaev.
