Búgin 21 jasqa deiingi jastar arasynda 2021 jylǵy Eýropa chempionatyna irikteý satysynda Qazaqstan jastar quramasy syrt alańda Izrailmen kezdesti, dep habarlaidy "Ult aqparat".
Búgingi kezdesýde qazaqstandyq jastar jeńiske jetýge bar kúshin saldy. Qarsylastar qaqpasy mańynda jii shabýyl uiymdastyrdy. Nátijesinde 45-minýtta Elhan Astanov alań ieleri qaqpasyna gol soqty.
Ekinshi kezeńde izraildik fýtbolshylar tarazy basyn teńestirýge umtyldy. Oiynnyń 90-minýtynda alań ieleri qazaqstandyq quramasy qaqpasynan sańylaý tapty. Arada kóp ótpesten Oralhan Ómirtaev jeńis golynyń avtory atandy. Osylaisha Qazaqstan jastary syrt alańda Izraildi 2:1 esebimen tize búktirdi.
Irikteý satysyn qazaqstandyq fýtbolshylar sátti bastaǵan edi. Aldymen syrt alańda Farer araldaryn 3:1, Chernogoriiany 2:1 esebimen súrindirdi. Odan keiin óz alańynda Ispaniiadan 0:1, Izrailden 1:2 esebimen jeńilip qaldy. Al besinshi kezdesýinde Soltústik Makedoniiamen 1:1 esebimen teń tarqasty. Al altynshy oiynda óz alańynda Chernogoriiaǵa 0:4 esebimen jeńildi. Sol joly Izrail syrt alańda Farer araldaryna 1:3 esebimen ese jiberdi.
Endi Qazaqstan jastar quramasy úsh oiyn ótkizedi. Aldymen 8 qazanda óz alańynda Soltústik Makedoniiamen kezdesse, 13 qazanda syrt alańda Ispaniiamen jasyl alańǵa shyǵady. Sońǵy oiynynda 17 qarashada Farer araldaryn qabyldaidy.
Esterińizge sala ketelik, 21 jasqa deiingi jastar quramalary arasyndaǵy Eýropa chempionaty 2021 jyldyń 9-26 maýsym aralyǵynda Vengriia jáne Sloveniiada ótkiziledi. Onda barlyǵy 16 qurama baq synaidy.
