بٷگٸن 21 جاسقا دەيٸنگٸ جاستار اراسىندا 2021 جىلعى ەۋروپا چەمپيوناتىنا ٸرٸكتەۋ ساتىسىندا قازاقستان جاستار قۇراماسى سىرت الاڭدا يزرايلمەن كەزدەستٸ, دەپ حابارلايدى "ۇلت اقپارات".
بٷگٸنگٸ كەزدەسۋدە قازاقستاندىق جاستار جەڭٸسكە جەتۋگە بار كٷشٸن سالدى. قارسىلاستار قاقپاسى ماڭىندا جيٸ شابۋىل ۇيىمداستىردى. نەتيجەسٸندە 45-مينۋتتا ەلحان استانوۆ الاڭ يەلەرٸ قاقپاسىنا گول سوقتى.
ەكٸنشٸ كەزەڭدە يزرايلدٸك فۋتبولشىلار تارازى باسىن تەڭەستٸرۋگە ۇمتىلدى. ويىننىڭ 90-مينۋتىندا الاڭ يەلەرٸ قازاقستاندىق قۇراماسى قاقپاسىنان ساڭىلاۋ تاپتى. ارادا كٶپ ٶتپەستەن ورالحان ٶمٸرتاەۆ جەڭٸس گولىنىڭ اۆتورى اتاندى. وسىلايشا قازاقستان جاستارى سىرت الاڭدا يزرايلدٸ 2:1 ەسەبٸمەن تٸزە بٷكتٸردٸ.
ٸرٸكتەۋ ساتىسىن قازاقستاندىق فۋتبولشىلار سەتتٸ باستاعان ەدٸ. الدىمەن سىرت الاڭدا فارەر ارالدارىن 3:1, چەرنوگورييانى 2:1 ەسەبٸمەن سٷرٸندٸردٸ. ودان كەيٸن ٶز الاڭىندا يسپانييادان 0:1, يزرايلدەن 1:2 ەسەبٸمەن جەڭٸلٸپ قالدى. ال بەسٸنشٸ كەزدەسۋٸندە سولتٷستٸك ماكەدونييامەن 1:1 ەسەبٸمەن تەڭ تارقاستى. ال التىنشى ويىندا ٶز الاڭىندا چەرنوگوريياعا 0:4 ەسەبٸمەن جەڭٸلدٸ. سول جولى يزرايل سىرت الاڭدا فارەر ارالدارىنا 1:3 ەسەبٸمەن ەسە جٸبەردٸ.
ەندٸ قازاقستان جاستار قۇراماسى ٷش ويىن ٶتكٸزەدٸ. الدىمەن 8 قازاندا ٶز الاڭىندا سولتٷستٸك ماكەدونييامەن كەزدەسسە, 13 قازاندا سىرت الاڭدا يسپانييامەن جاسىل الاڭعا شىعادى. سوڭعى ويىنىندا 17 قاراشادا فارەر ارالدارىن قابىلدايدى.
ەستەرٸڭٸزگە سالا كەتەلٸك, 21 جاسقا دەيٸنگٸ جاستار قۇرامالارى اراسىنداعى ەۋروپا چەمپيوناتى 2021 جىلدىڭ 9-26 ماۋسىم ارالىعىندا ۆەنگرييا جەنە سلوۆەنييادا ٶتكٸزٸلەدٸ. وندا بارلىعى 16 قۇراما باق سىنايدى.
