Almatyda bala ústine qulaǵan qaqpaǵa oqiǵasyna qatysty qylmystyq is qozǵaldy, dep habarlaidy "Ult aqparat".
Almaty politsiiasy fýtbol alańynda balanyń ústinen qulaǵan qaqpaǵa qatysty faktige sáikes, QRQK 306-baby boiynsha is tirkelgenin habarlady.
Tergeýdi Almaty qalalyq Politsiia departamenti júrgizedi.
QR QK 306-baptyń sanktsiiasy 160 AEK-ke deiin aiyppul salýdy nemese sol mólsherde túzeý jumystaryn nemese 160 saǵatqa deiin qoǵamdyq jumystarǵa jegý nemese ustaý túrinde 40 táýlikke qamaýǵa alýdy kózdeidi. Odan bólek úsh jylǵa deiingi merzimge nemese belgili bir laýazymdardy atqarýyna tyiym salynady.
Oqys oqiǵa 4 sáýir kúni keshke, 8-shi yqsham aýdandaǵy №79 úidiń aýlasyndaǵy balalar alańynda boldy.
Almaty qalalyq kommýnaldyq sharýashylyq basqarmasy atalǵan aýla aýmaǵynda 2020 jyly kelisimshartqa sáikes, «EC-EnergyQazaqstan» JShS merdigeri kúrdeli jóndeý júrgizgendigin aitty.
