Almatyda fýtbolǵa arnalǵan qaqpa kishkentai balany basyp qaldy, dep habarlaidy "Ult aqparat".
Áleýmettik jelide oqys oqiǵa bolǵan aýlanyń videosy paida boldy.
«4 sáýir kúni keshki saǵat 19: 30-da meniń qurbymnyń balasy 8-shi yqsham aýdanyndaǵy №79-úidiń oiyn aýlasynda oinap júrgen. Fýtbolǵa arnalǵan temir qaqpa balanyń ústine qulap ketti. Sóitsek, qaqpa bekitilmegen eken. Bala reanimatsiiada aýyr halde jatyr. Eshqandai qaýipsizdik erejelerine sai kelmeitin, balalar alańyn qalai ashýǵa bolady «, - dep jazdy jeli qoldanýshy.
Almaty ákimdigi baspasóz qyzmeti bul oqiǵaǵa qatysty túsinik berdi.
Ákimdiktiń habarlaýynsha, 2020 jyly osy meken-jai boiynsha aýlaǵa EC-EnergyQazaqstan» JShS merdiger kompaniiasy kelisimshartqa sáikes aǵymdaǵy jóndeý jumystaryn júrgizgen. Tapsyrys berýshisi - Áýezov aýdany ákiminiń apparaty.
«Smeta boiynsha, oiyn alańynyń rezeńke jabyndysyn aýystyrý jáne syrtqy jaryqtandyrý qurylǵylaryn aýystyrý jumystary júrgizilgen. 2016 jyly №8 yqshamaýdanyndaǵy №79 úi boiynsha oiyn alańyn, fýtbol alańyn jaqsartý jáne syrtqy jaryqtandyrýdy ornatý jumystary júrgizilip, sodan keiin oiyn alańy men fýtbol alańy kútip ustaý úshin «Ýpravlenie domami-14» páter ieleriniń tutynýshylar kooperativine berilgen», - dedi Áýezov aýdany kommýnaldyq sharýashylyq bóliminiń jetekshisi Azat Káketaev.
