Frantsiia turǵyny Andre Brejere búginde 83-te. Ol 17 jasynan saiahattai bastaǵan, dep habarlaidy "Ult aqparat".
Ol kezde Andreniń saiahattaýǵa aqshasy bolmaǵan, alaida álemdi aralap, ony mekendeitin adamdarmen tanysýǵa degen zor qulshynysy táýekelge bel býǵyzǵan.
Sol kezde Andre mynadai ereje oilap tabady – saiahat barysynda kúnine bir dollardan artyq jumsamaý. Osylaisha, frantsýz 251 eldi aralap, barlyǵy 400 myń shaqyrym jol júrgen.
Óziniń alǵashqy saiahatyn ol Shotlandiiaǵa jasaǵan.
- 1955 jyly bizdiń qolymyzda qazirgi týristerde bar dúnielerdiń eshqaisysy bolmady, - deidi frantsýz. – Eshqandai qosymsha, eshqandai telefon, tek qaǵazǵa túsirilgen karta men kompas, jáne adamdarmen tildesý, suraq qoiý men sypaiylyq tanytý qabiletteri boldy.
Andre kúre joldarda jolai kólikterge minip, jyljyp otyrdy. Ol ushaqpen ushyp kórmegen, meiramhanalarda tamaqtanbaǵan, tipti kei kezderi dalada túnegen.
- Meniń saiahattarym – meniń ýniversitetterim, men onda ózimdi jáne qorshaǵan ortany túsinýdi úirendim, - deidi qart saiahatshy.
