Biyl Frantsiiada onlain formatta ótetin Qazaqstan kinosynyń festivali aiasynda qazaq kinosynyń klassikasyna ainalǵan týyndylar kórsetiledi, dep habarlaidy "Ult aqparat" «Qazaqfilm» kinostýdiiasyna silteme jasap.
Retrospektiva sheńberinde qazaq kinosynyń altyn qoryna engen 14 kinotýyndy festivaldiń resmi saitynda usynylady. Filmder 2020 jyly 16 jeltoqsannan bastap 2021 jyldyń 4 qańtaryna deiin ashyq kórsetilimde bolady.
1938 jyly túsirilgen «Amangeldi» filminen bastap 1994 jyly jaryqqa shyqqan «Kózimniń qarasy» kartinasyna deiingi barlyq film hronologiialyq retpen túpnusqa tilde (frantsýz tilinde sýbtitrleri bar) kórsetiledi.
Frantsiiadaǵy Qazaqstan kinosy klassikasynyń retrospektivasy 71-shi Kann kinofestivalinde Altyn palma butaǵynyń iesi, aktrisa Samal Esliamovanyń qamqorlyǵymen ótedi. Festivaldiń qurmetti prezidenti – rejisser Sergei Dvortsevoi.
Qazaqstandyq kinonyń Frantsýzdyq qaýymdastyǵy men Sh.Aimanov atyndaǵy «Qazaqfilm» kinostýdiiasy jáne QR Mádeniet jáne sport ministrligimen birlesip uiymdastyrǵan is-shara Táýelsizdik kúnine orailastyrylǵan.
