Frantsýz úkimeti 15 maýsymnan bastap 12-den 18 jasqa deiingi balalar koronavirýsqa qarsy vaktsina ala alatynyn jariia etti, dep habarlaidy QazAqparat.
Frantsiia prezidenti Emmanýel Makron jasóspirimderdi vaktsinalaý týraly sheshim qabyldanǵanyn sársenbi kúni tańerteń bolǵan qorǵanys keńesiniń otyrysy kezinde atap ótti.
«15 maýsymǵa qarai biz 30 mln adamǵa ekpe egemiz. Sondyqtan da búgin tańerteń 15 maýsymnan bastap jasóspirimderdi vaktsinalaý týraly sheshim qabyldadyq», - dedi Makron.
Ol eresek frantsýzdardyń 50%-y vaktsinanyń alǵashqy dozasyn alǵanyn aitty.
Biraq eldiń keibir bóliginde virýstyń burynǵysha taralyp jatqanyn aita kelip, frantsýzdardy saq bolýǵa shaqyrdy.
Jalpy alǵanda, Frantsiiada vaktsinatsiia kampaniiasy bastalǵannan beri 26,1 million adam vaktsinanyń kem degende bir inektsiiasyn aldy (halyqtyń jalpy sanynyń 39,1%-y), onyń ishinde 11,2 million adam ekinshi dozasyn aldy (halyqtyń jalpy sanynyń 16,7%-y).
Germaniia buǵan deiin Pfizer/VioNTech vaktsinasy osy jas toby boiynsha Eýropalyq dári-dármekter agenttiginiń (EMA) maquldaýyn alǵan jaǵdaida, 7 maýsymnan bastap 12 jastan asqan balalar men eresekterge vaktsina egetinin málimdegen.
Ótken aptada Eýropalyq dári-dármek agenttigi 12 jastan 15 jasqa deiingi balalarǵa vaktsinanyń qaýipsiz ekenin málim etti.
Osylaisha, Pfizer osy jas sanatyna maquldanǵan alǵashqy vaktsina bolyp otyr.
Dúisenbi kúni Eýropalyq komissiia da koronavirýsqa qarsy Pfizer vaktsinasyn 12 jáne odan úlken jastaǵy balalarǵa paidalanýǵa kelisimin berdi.
Belgiia Densaýlyq saqtaý joǵarǵy keńesi 16-17 jastaǵy jastarǵa 20 mamyrdan bastap koronavirýsqa qarsy vaktsina saldyrýǵa keńes berdi.
Bul jas sanatynda qaýip-qater tobyndaǵy naýqastar aýyrlatatyn jaǵdailary bar eresek naýqastar siiaqty tezirek ekpe alady.
