Forbes boiynsha eń bai 50 kásipker tizimine engen qazaqstandyq Anatolii Balýshkinge izdeý jariialandy, - dep habarlaidy Tengrinews.kz.
Biznesmendi izdeý týraly habarlandyrý bas prokýratýranyń Quqyqtyq statistika jáne arnaiy esepke alý jónindegi komiteti saitynda "qylmyskerlerdi izdeý" bóliminde paida boldy. Izdeý sebepteri týraly málimet joq, alaida sait málimeti boiynsha Balýshkin tergeýden qashyp ketken.
"Aziia Avto" saitynyń málimetinshe, Anatolii Balýshkin - "Bipek Avto - Aziia Avto" kompaniiasynda direktorlar keńesiniń tóraǵasy.
Balýshkin Forbes nusqasy boiynsha 2020 jyldyń jeltoqsanyna Qazaqstannyń eń yqpaldy 50 kásipkerleriniń tizimine engen. Onyń bailyǵy 153 million dollarǵa baǵalandy.
Buǵan deiin Nur-Sultan qalasynyń mamandandyrylǵan aýdanaralyq ekonomikalyq soty Indýstriia jáne infraqurylymdyq damý ministrliginiń "Aziia Avto" kólik qurastyrý kompaniiasyna talap aryzy boiynsha sheshim shyǵarǵan bolatyn. Sot "Aziia Avto" kompaniiasyna memleketke 174 milliard teńge qaitarýdy mindettedi.
