Forbes jýrnalynyń nusqasy boiynsha Ulttyq hokkei ligasynyń eń qymbat klýby «Niý-Iork Reindjers» dep tanyldy. Tiisti reiting atalmysh basylymnyń saitynda jariialandy, dep habarlaidy "Ult aqparat".
Niý-Iork klýbynyń quny 1,65 mlrd dollar dep baǵalanyp otyr.
Sondai-aq UHL-nyń eń qymbat klýbtarynyń bestigine «Toronto» ($1,5 mlrd), «Monreal» ($1,34 mlrd), «Chikago» ($1,085 mlrd) jáne «Boston» ($1 mlrd) engen. Liga kirisiniń tórtten bir bóligi osy komandalardyń úlesinde. Olar bolmasa UHL 50 mln dollardan aiyrylatyn edi. UHL-nyń chempiony «Tampa» reitingtiń 21-shi ornynda ($470 mln). Tizimdi 285 mlrd dollarǵa baǵalanǵan «Arizona» (31-oryn) túiindep tur.
Jalpy pandemiia saldarynan UHL klýbynyń ortasha baǵasy 2%-ǵa, 653 mln dollarǵa deiin azaiǵan. Bul 2001 jyldan beri tirkelgen alǵashqy quldyraý. 2019/20 jylǵy maýsymda liganyń tapqan tabysy 4,4 mlrd dollar boldy, bul aldyńǵy maýsymmen salystyrǵanda 14%-ǵa az.
