Flydubai 7 shildeden bastap Qazaqstanǵa reisterdi qaita bastaidy, - dep habarlaidy "Ult aqparat" kompaniianyń Facebook resmi paraqshasyna silteme jasap.
Áýe tasymaldaýshy shildeden bastap 24 qalaǵa, onyń ishinde Nur-Sultan, Almaty, Tbilisi, Erevan, Kiev, Praga jáne Bakýge reis ashady.
Kompaniia basshylyǵynyń aitýynsha, basqa baǵyttarǵa jańa ári jii ushatyn reisterdi ashý josparlanǵan.
"Jaz boiy reis sanyn 66-ǵa deiin jetkizýdi josparladyq. Árine, bul elderdiń halyqaralyq tasymaldarǵa shekarasyn ashýyna bailanysty bolady", - dedi Flydubai kommertsiialyq direktory Hamad Obaidalla.
Buǵan deiin Dýbaiǵa 7 shildeden bastap týrister kire alatyny habarlandy. Qala áýejaiynyń resmi saitynda áýe reisteriniń kestesi jáne vizaǵa qatysty aqparat bar.
Ushý aldynda jolaýshylar densaýlyǵy týraly arnaiy qaǵazdy toltyryp, meditsinalyq saqtandyrýdy rásimdeý kerek.
Sondai-aq 96 saǵat buryn koronavirýsty anyqtaityn PTR test tapsyrý kerek.
IATA resmi saitynda eldegi shekteý sharalary týraly aldyn ala tanysý usynylady.
