«FlyArystan» áýe kompaniiasy 2020 jyly birqatar jańa reister ashady, dep habarlaidy "Ult aqparat".
Aqtóbelikter birneshe ai buryn biletke tapsyrys berip, Qaraǵandy, Nur-Sultan qalalary men Qazaqstannyń batys aimaqtaryna, keiin Máskeýge usha alady. Baǵa da qoljetimdi bolmaq. Eń tiimdisi - birneshe ai buryn josparlap satyp alý.
«2020 jyldyń sáýir aiynda Aqtóbeden alǵashqy reis iske qosylady. Aldymen Aqtóbe - Qaraǵandy baǵyty, keiinnen Aqtóbe - Nur-Sultan reisi bolady. Qazaqstannyń batysyndaǵy qalalarǵa barý úshin bilet - 5 myń teńgeden, Nur-Sultan, Qaraǵandyǵa - 7 myń teńgeden bastalady. Aldaǵy ýaqytta biz Qyzylorda, Shymkent, Atyraý, Aqtaý baǵytyn qosamyz. Halyqaralyq reistiń alǵashqysy Máskeýge josparlanǵan. Sonymen qatar tizimde Tbilisi, Shardja, Antaliia, Ystanbul bar. Ishki reisterge alǵashqy bilet osy jyldyń sońynda satylady», - dedi «Eir Astana» áýekompaniiasynyń prezidenti ári bas atqarýshy direktory Piter Foster.
Áýe kompaniiasymen kezdesýge oblys ákimi Ońdasyn Orazalin qatysyp, jańa áýe kompaniiasynyń suranysy joǵary bolatynyna senim bildirdi.
