«FlyArystan» ەۋە كومپانيياسى 2020 جىلى بٸرقاتار جاڭا رەيستەر اشادى, دەپ حابارلايدى "ۇلت اقپارات".
اقتٶبەلٸكتەر بٸرنەشە اي بۇرىن بيلەتكە تاپسىرىس بەرٸپ, قاراعاندى, نۇر-سۇلتان قالالارى مەن قازاقستاننىڭ باتىس ايماقتارىنا, كەيٸن مەسكەۋگە ۇشا الادى. باعا دا قولجەتٸمدٸ بولماق. ەڭ تيٸمدٸسٸ - بٸرنەشە اي بۇرىن جوسپارلاپ ساتىپ الۋ.
«2020 جىلدىڭ سەۋٸر ايىندا اقتٶبەدەن العاشقى رەيس ٸسكە قوسىلادى. الدىمەن اقتٶبە - قاراعاندى باعىتى, كەيٸننەن اقتٶبە - نۇر-سۇلتان رەيسٸ بولادى. قازاقستاننىڭ باتىسىنداعى قالالارعا بارۋ ٷشٸن بيلەت - 5 مىڭ تەڭگەدەن, نۇر-سۇلتان, قاراعاندىعا - 7 مىڭ تەڭگەدەن باستالادى. الداعى ۋاقىتتا بٸز قىزىلوردا, شىمكەنت, اتىراۋ, اقتاۋ باعىتىن قوسامىز. حالىقارالىق رەيستٸڭ العاشقىسى مەسكەۋگە جوسپارلانعان. سونىمەن قاتار تٸزٸمدە تبيليسي, شاردجا, انتالييا, ىستانبۇل بار. ٸشكٸ رەيستەرگە العاشقى بيلەت وسى جىلدىڭ سوڭىندا ساتىلادى», - دەدٸ «ەير استانا» ەۋەكومپانيياسىنىڭ پرەزيدەنتٸ ەرٸ باس اتقارۋشى ديرەكتورى پيتەر فوستەر.
ەۋە كومپانيياسىمەن كەزدەسۋگە وبلىس ەكٸمٸ وڭداسىن ورازالين قاتىسىپ, جاڭا ەۋە كومپانيياسىنىڭ سۇرانىسى جوعارى بولاتىنىنا سەنٸم بٸلدٸردٸ.
