Parlament Májilisinde arzan áýe tasymaldaýshylardyń qyzmetine qatysty zańnamaǵa túzetý engizý máselesi qaralyp jatyr, dep habarlaidy "Ult aqparat".
«Memleket basshysynyń arzan áýe tasymaldaýshylaryn qurý týraly tapsyrmasyn oryndaý maqsatynda Parlament Májilisiniń jumys toby qazirgi ýaqytta áýe kóligindegi tegin bagajdy jáne qol bagajyn paidalanýǵa bailanysty ózgeristerdi qarastyryp jatyr. Sondai-aq, Májiliste «Qazaqstan Respýblikasynyń kólik máseleleri boiynsha zańnamalyq qujattaryna ózgerister men tolyqtyrýlar engizý týraly» zań jobasy aiasynda balalar biletin satyp alýda jeńildikter usyný tetikteri qaralýda», - delingen Azamattyq aviatsiia komitetiniń habarlamasynda.
Bul túzetýler «Air Astana» áýe kompaniiasynyń usynysy boiynsha jumys tobynyń jobasyn talqylaý kezinde kóterilgen.
«Qazirgi ýaqytta zańnamalardy qaita qaraýdyń túrli nusqalary talqylanyp, halyqaralyq tájiribeler legi zerttelip jatyr. Sonymen qatar, bagaj tasymaldaý boiynsha erekshe sharttardy bekitý amalyn arzan tasymaldaýshylardyń reisterine engizý qarastyrylǵan. Aldyn ala derekter boiynsha, mysaly, azyq-túligimen birge tolyq paketti usynatyn «Eir Astana» áýe kompaniiasynyń Astana-Almaty baǵyty boiynsha reis baǵasy - 20 kelige deiingi bagajdy, qol júgin tegin alyp júrýge ruqsat etýimen birge 20 myńnan 54 myń teńgege deiin bolyp otyr. Al qurylyp jatqan «Fly Arystan» arzan tasymaldaýshysynda bilettiń quny - 20 kelige deiingi bagajsyz, tamaqsyz jáne tegin bagajsyz joǵaryda atalǵan bilettiń ortasha qunynan 2-2,5 ese tómen bolady. Sonymen birge, bul reisterde qol júgin alyp júrý tegin bolmaq» delingen habarlamada.
Halyqaralyq tájiribeni taldaý kezinde belgili bolǵandai, arzan aviakásiporyndardyń tiimdiligi joǵary.
