«Azamattyq baqylaý» jobasy aiasynda chek bermeý faktileri týraly habarlaǵan 100 adamǵa 1000 teńge kólemindegi syiaqy tólendi (uialy telefonnyń teńgerimi toltyryldy), dep habarlaidy "Ult aqparat".
Eske sala keteiik, 2019 jylǵy 30 qyrkúiekten bastap osy pilottyq joba respýblikanyń barlyq aýmaǵyna taratylady, iaǵni chek bermeý faktisi týraly habarlaǵan tulǵalarǵa syiaqy tóleý (uialy telefon teńgerimin toltyrý) búkil Qazaqstan boiynsha júrgiziledi. Bul týraly qashyqtan monitoring basqarmasynyń basshysy Anýar Súleimenov habarlady.
Onyń sózinshe, jobanyń iske asyrylýy merziminde 2539 habarlama túsken. Olardyń barlyǵy qaralýda. Kásipkerdiń málimetteri, fiskaldy chektiń berilmeý faktileri men sebepteri anyqtalýda», dedi A.Súleimenov.
Syiaqy tek satýshynyń chek berýden bas tartýy videoǵa túsirilgen kezde, dúkenniń ataýy men mekenjaiy, saýda úiiniń, bazardyń ataýy (saýda úiindegi dúńgirshektiń, bazardaǵy orynnyń nómiri) jáne fiskaldyq chek bermegen tulǵany anyqtaýǵa múmkindik beretin basqa da málimetter kórsetilgen jaǵdaida tólenedi.
Memlekettik kirister komiteti QR barlyq azamattaryn óziniń azamattyq ustanymyn bildirýge, BKM chegin bermei óziniń tabystaryn jasyrýshy salyq tóleýshilerge nóldik tózimdilik tanytýǵa jáne Pilottyq jobaǵa belsendi qatysýǵa shaqyrady. Barlyq joldanylǵan ótinishter memlekettik kirister organdary tarapynan óńdeletin bolady.
Videomaterialdardy Apple App Store jáne Google Play market qosymshalarynan tegin júkteýge bolatyn «Wipon» uialy qosymshasy arqyly joldaýǵa bolady.
«Shaǵym joldaǵan jaǵdaida qosymsha óz tegińizdi, atyńyzdy, ákeńizdiń atyn (bolǵan jaǵdaida), JSN jáne bailanys telefonyn kórsetińiz. Bul derekter buzýshylyq faktisi rastalǵan jáne fiskaldyq chek bermegen tulǵany jaýapqa tartqan jaǵdaida syiaqy tóleý úshin qajet»,-delingen habarlamada.
Fiskaldy chekterdi consumer.oofd.kz saitynan tekserýge bolady. Osy rette, tehnikalyq talaptarǵa sáikes berilgen fiskaldyq chek málimetteri 72 saǵat ishinde joldanýy múmkin. Sondyqtan, berilgen chekti fiskaldyq derekter operatory bazasynda taba almaǵan jaǵdaida 3 kúnge deiin kútý qajet jáne sodan keiin qaita tekserý qajet. 72 saǵat ótkennen keiin aqparat bolmaǵan jaǵdaida memlekettik kirister organdaryna júginýge bolady.
