Qazaqstandyq boksshy Firýza Sháripova (11-1, 6 KO) IVA tujyrymy boiynsha ekinshi jartylai jeńil salmaqta chempion atandy, alaida Boxrec.com portalynyń reitinginde tómenge túsip qaldy, dep habarlaidy "Ult aqparat" Sports.kz-ke silteme jasap.
Sháripova besinshi raýndta tanzaniialyq Heppi Daýdidi (8-7-1, 4 KO) tehnikalyq nokaýtpen jeńdi, alaida BoxRec reitinginde 19-orynnan 27-shi orynǵa tómenge syrǵydy.
Sondai-aq, qazaqstandyqtyń jinaǵan upaiy da azaiyp qalǵan - 1.342-den 0.516-ǵa kemigen. Bul Sháripovanyń uzaq ýaqyt boiy alańǵa shyqpai qalýymen jáne qarsylasynyń álsiz ekendigine bailanysty bolýy múmkin, ol sońǵy ret 2019 jyldyń sáýirinde ringke shyqqan bolatyn.
