Ataqty fin neirofigýrgi, álemdegi bas mi arteriiasy anevrizminiń mamany Iýha Hernesniemi insýlt alǵan Ózbekstan prezidenti Islam Kárimovtiń jaǵdaiyna qorytyndy meditsinalyq saraptama jasaýǵa shaqyrylǵan dárigerlerdiń biri boldy, - dep jazady YLE.
Basylymnyń málimetinshe, ótken senbi kúni oǵan onyń Qazaqstandaǵy burynǵy shákirti jedel sharýamen habarlasqan. "Men basqa elderde kóp ota jasadym. Jáne bul ótinishti oryndaý maǵan esh qiyndyq týǵyzbady. Maǵan Helsinkige jeke ushaq keldi, sodan biz Ózbekstanǵa Germaniia arqyly ushyp bardyq", - dedi fin dárigeri.
Aita keteiik, Hernesniemiden basqa Resei men Germaniiadan da dárigerler kelgen bolatyn.
Helsinkidaǵy klinikanyń burynǵy professory, 70-ten asa naýqasty emdegen dáriger Ózbekstanǵa kelgende prezidenttiń jaǵdaiy qandai bolǵanyn aityp berdi.
"Bul kezde ota jasaýdyń qajeti de bolmady. Men emdi ári qarai jalǵastyrý kerek dep sanamadym. Naýqas óli kúide boldy. Mamandar ózderiniń meditsinalyq qorytyndalaryn jasady", - dedi ol.
Sondai-aq, basylymdaǵylardyń málimetinshe, dáriger bul jaǵdaida kóshbasshynyń ólimi jaily biraz ýaqyt jariialamaitynyn aitqysy kelgen. Hernesniemidiń aitýynsha, osyǵan uqsas jaǵdai Izraildiń burynǵy premer-ministrimen de bolǵan. Ariel Sharon pen ispaniialyq diktator Fransisko Franko da uzaq ýaqyt komada jatqan eken.
Eske salaiyq, Ózbekstan prezidenti Islam Karimov 78 jasynda qaitys boldy. Islam Karimovti jerleý rásimi Samarqanda 3 qyrkúiekte ótti. Prezidenttiń qazasyna bailanysty Ózbekstanda úsh kúnge qaraly kún jariialanady. Elbasy Nursultan Nazarbaev Ózbekstan Respýblikasynyń Prezidenti Islam Karimovtiń qaitys bolýyna bailanysty Ózbekstan Respýblikasy Olii Májilisi Senatynyń tóraǵasy Nigmatilla Iýldashevke kóńil aitý jedelhatyn joldaǵan bolatyn. Konstitýtsiiaǵa sáikes, prezidenttiń mindetin ýaqytsha oryndaýshy - Ózbekstan Respýblikasynyń Olii Májilisiniń Senat tóraǵasy Nigmatilla Iýldashev. Sondai-aq, keiinnen Islam Kárimovtiń neden qaitys bolǵany týraly meditsinalyq qorytyndy jariialanǵan bolatyn.
