Tynyq muhityndaǵy «Rai» taifýnynan mert bolǵandar sany 389 adamǵa jetti. Bul týraly dúisenbi kúni Philippine News Agency málim etti, dep habarlaidy QazAqparat HAA.
Onyń dereginshe, 1146 adam zardap shegip, 64-i iz-túzsiz joǵalǵandar tiziminde. Munyń ústine 4,2 mln turǵyn úilerin tastap ketýge májbúr bolǵan.
Filippin biligi zardap shegýshilerge kómek kórsetý úshin 1,1 myńnan astam evakýatsiialyq ortalyq uiymdastyrdy. Taifýn respýblikanyń infraqurylymy men aýyl sharýashylyǵyna sáikesinshe 16,7 mlrd peso ($332,8 mln) jáne 5,3 mlrd peso ($105,6 mln) zalal keltirgen. Budan bólek, taifýn 167 myń turǵyn úidi tolyqtai qiratqan.
Gonkongtyń meteorologiialyq observatoriiasy 16 jeltoqsanda biylǵy maýsymdaǵy «Rai» dep atalatyn 22-shi taifýn Tynyq muhitynyń batys bóliginde qalyptasqanyn habarlaǵan bolatyn. 22 jeltoqsanda Filippin prezidenti Rodrigo Dýterte birneshe óńir aýmaǵynda bir jylǵa tótenshe jaǵdai rejimin engizgenin jariialady.
