Áleýmettik jelilerde qazaqstandyqtar QazVac KVI qarsy otandyq vaktsinanyń ázirlenýin talqylaýda. Keibireýlerdiń pikirinshe, preparat tym tez ázirlendi jáne bul ýaqyt klinikalyq zertteýler júrgizý úshin jetkiliksiz boldy. Sondai-aq, paidalanýshylar vaktsinany synaý týraly derekter Dárilik zattar men meditsinalyq buiymdardy saraptaý ulttyq ortalyǵynyń saitynda preparat qazaqstandyq naryqqa túskennen keiin ǵana shyqqanyna kúmánmen qaraýda. QR Densaýlyq saqtaý ministrligi men Biologiialyq qaýipsizdik problemalary ǵylymi-zertteý institýty bul jaǵdaiǵa qatysty túsinikteme berdi. Bul týraly stopfake.kz saity habarlady.
Álem boiynsha COVID-19 qarsy vaktsinalar rekordtyq qysqa merzimde ázirlendi. Preparatty tez arada jasaýǵa birneshe faktor septigin tigizdi : álem boiynsha ǵalymdardyń birlesken jumysy, kóp mólsherde qarjylandyrý, SARS jáne MERS koronavirýstaryna qarsy vaktsinalardy ázirleý boiynsha qoldanystaǵy ázirlemelerdi paidalaný, sondai-aq klinikalyq zertteýler fazalaryn qatar júrgizý múmkindigi.
«COVID-19 qarsy vaktsinany barynsha tez jasaý úshin ǵalymdar men ázirleýshiler birneshe túrli kezeńderde qatar jumys isteidi. Vaktsinalardy ázirleýdiń jedeldetilgen protsesi aitarlyqtai mólsherde qarjy bólýdiń jáne joǵary deńgeide saiasi mindettemeler alýdyń arqasynda múmkin boldy», – dep habarlady Biologiialyq qaýipsizdik problemalary ǵylymi-zertteý institýtynan.
Sondai-aq, QR Densaýlyq saqtaý ministrligi otandyq preparat inaktivtendirilgen virýs negizinde jasalǵanyn jáne bul tehnologiia jaqsy zerttelgenin, ondaǵan jyldar boiy qoldanylyp kele jatqanyn atap ótti.
«COVID-19-ǵa qarsy otandyq vaktsinany qysqa merzimde ázirleý týraly aitsaq, qazaqstandyq vaktsinany óndirý tehnologiiasy ondaǵan jyldar boiy synalǵanyn, onyń belgili jáne senimdi (belsendiligi joiylǵan vaktsina, tiri virýs joq) ekenin eskerý qajet. Óndirýshiniń osy siiaqty vaktsinalardy jasaý tájiribesi bar, bul rette tumaýǵa qarsy vaktsina týraly aityp otyrmyz», – dep túsindirdi departamenttegiler.
Sonymen qatar, Ministrlik ókilderi vaktsinany synaý týraly aqparatty Biologiialyq qaýipsizdik problemalary ǵylymi-zertteý institýtynyń saitynda «QR klinikalyq zertteýler tizilimine» engizý rásimi týraly aityp berdi.
Vaktsinany jasaýshylar institýtqa onyń tiimdiligi men qaýipsizdigi týraly barlyq málimetterdi usynady. Aqparat BQPǴZI-ǵa kelip túskende barshaǵa qoljetimdi bolýy úshin uiymnyń saitynda jariialanady.
«Ulttyq ortalyq janynan mamandar men sarapshylardan, infektsionist ǵalymdar, epidemiolog, mikrobiolog, immýnolog, biolog, farmakolog mamandardan, bioetika jónindegi ortalyq komissiia, meditsinalyq uiymdar ókilderinen turatyn Komissiia quryldy. Komissiia vaktsinanyń klinikaǵa deiingi, klinikalyq synaqtarynyń derekterine saraptama júrgizedi, onyń nátijeleri boiynsha vaktsinanyń qaýipsizdigi, sapasy men tiimdiligi boiynsha oń nemese teris qorytyndy beriledi», – dep túsindirdi QR DSM ókilderi.
QazVac vaktsinasynyń klinikalyq synaqtarynyń I jáne II fazalarynyń nátijeleri The Lancet tobyna kiretin retsenziialanatyn EClinicalMedicine meditsinalyq jýrnalynda da
jariialandy.
Demek, QazVac vaktsinasy tiimdi jáne qaýipsiz. Klinikalyq synaqtar kezinde jetekshi sarapshylar ony ázirleý jáne baǵalaý protsesin qadaǵalady. Preparat synaqtary týraly aqparat ázirleýshilerdiń usynýyna qarai jariialandy. Vaktsinany synaýdyń birinshi jáne ekinshi kezeńderiniń qorytyndylary týraly derekter Halyqaralyq ǵylymi retsenziialanatyn jýrnalda usynyldy.
