Qazaqstandyqtar "COVID-19 qozdyrǵyshy SARS-CoV-2 koronavirýsy eshqashan oqshaýlanbaǵan, demek, ol oidan shyǵarylǵan" degen konspirologiialyq jáne tolyǵymen ǵylymǵa qarsy teoriiany dáleldeýge tyrysýda. Búginde bul teoriiany jaqtaýshylar áleýmettik jelilerde jáne messendjerlerde "patogen Koh postýlattaryna sáikes bólinbegen" dep málimdegen doktor Igor Gýndarovtyń suhbatymen bólisýde. Munyń - bári ótirik, dep jazady Stopfake.kz saity.
Igor Gýndarov - Reseidiń «eń qurmetti epidemiology» emes. Onyń meditsinalyq bilimi bar jáne RJǴA akademigi. Alaida, bul akademiiaǵa bilimi joǵary jáne múshelik jarna tóleýge daiyn kez kelgen adam múshe bola alady.
Bul - Gýndarovtyń virýsologiia nemese epidemiologiia salasyndaǵy bedeldi tulǵa ekeniniń belgisi emes. Sonymen qatar, ol buǵan deiin COVID-19 pandemiiasy týraly jalǵan jáne ǵylymǵa qarsy aqparat taratqan.
Onyń Sars-CoV-2 virýsy eshqashan oqshaýlanbaǵan degen sózderi de ótirik.
Koh postýlattary adamzat virýstardyń bar ekendigin anyqtaǵanǵa deiin shyqqan. Kohtyń ózi tiri kezinde «Mikroorganizm aýrý adamdardyń (nemese janýarlardyń) aǵzasynda udaiy bolady jáne saý adamdarda bolmaidy» degen birinshi postýlattan bas tartqan. Sebebi ish súzegi men tyrysqaqtyń simptomsyz tasymaldaýshylary anyqtaldy.
Kohtyń ekinshi postýlatyn virýstarǵa da tolyq dárejede qoldanýǵa bolmaidy. Onda: «Mikroorganizm naýqas adamnan (nemese janýardan) oqshaýlanýy tiis jáne onyń shtammy taza ósindi boýly kerek» delingen. Virýstar tiri jasýshadan tys ómir súre almaityndyqtan, taza ósindi alý múmkin emes.
Sondyqtan Tomas Rivers Kohtyń postýlattaryn qaita qarap, olardy virýstarǵa qoldanýǵa bolatyndai etip beiimdedi.
Sars-CoV-2 virýsy osy buryn qaita qaralǵan postýlattarǵa sáikes tolyǵymen oqshaýlandy.
Onyń genomy da tolyq ashylyp, zerttelgen, al virýstyń mikroskoppen túsirilgen fotosýretin Jeliden ońai tabýǵa bolady.
Sars-CoV-2 virýsyn Koh postýlattaryn saqtai otyryp, oqshaýlamaǵan degen teoriiany qazaqstandyq jáne sheteldik faktchekerler birneshe ret joqqa shyǵardy.
Demek, Igor Gýndarovtyń SARS-CoV-2 koronavirýsynyń oqshaýlanbaǵan, demek, ol – joq degen sózderi jalǵan. Patogen oqshaýlanǵan, onyń genomy ashyldy jáne alynǵan málimetter negizinde olardyń áserinen týyndaityn aýrýǵa qarsy tiimdi jáne qaýipsiz vaktsinalar jasaldy.
