Áleýmettik jelilerde álemde COVID-19 juqtyrǵan alǵashqy naýqas týraly indet órship turǵan kezde belgili bolǵany jaily habarlama taratylýda. Avstraliialyq-amerikalyq kiberqaýipsizdik jónindegi kompaniia jinaǵan málimetter negizinde osyndai qorytyndy jasalǵan. Aqparatqa sáikes, 2019 jyly jazda Qytai provintsiiasynda PTR synaqtaryn ótkizýge arnalǵan jabdyqtarǵa jumsalǵan shyǵyndar kúrt ósken. Bul týraly Stopfake.kz saity jazady.
Sarapshylardyń pikirinshe, pandemiia erterek bastaldy dep málimdeý úshin bul málimetter jetkiliksiz.
Kiberqaýipsizdik jónindei kompaniianyń zertteýine sáikes, Hýbei provintsiiasynda 2019 jyly jazda PTR testileý jabdyqtaryn satyp alýdyń kúrt óskeni baiqaldy. Virýs juqtyrýdyń alǵashqy jaǵdailary tirkelgen Ýhan qalasy osy provintsiiada ornalasqan. «Internet 2.0» kompaniiasynyń zertteýi negizinde «pandemiia Qytai DDSU COVID-19 týraly habarlaǵannan áldeqaida erterek bastaldy» degen qorytyndy jasalǵan.
Meditsinalyq sarapshylar BAQ-ta osy másele boiynsha pikirlerin bildirdi. Olardyń aitýynsha, Internet 2.0 esebinde mundai qorytyndy jasaý úshin aqparat jetkiliksiz, óitkeni PTR zertteý ádisi ondaǵan jyldar boiy qoldanylyp keledi jáne jyl saiyn keńinen paidalanylýda. Jabdyq kóptegen zamanaýi aýrýhanalar men zerthanalarda adamdarda ǵana emes, janýarlarda da kóptegen basqa qozdyrǵyshtardy synaý úshin qoldanylady.
Sonymen qatar, 2019 jyly Qytaida afrikalyq shoshqa obasy órshigen.
Djons Hopkins Densaýlyq saqtaý ortalyǵynyń aǵa ǵylymi qyzmetkeri doktor Amesh Adalia PTR testileý «patogenderdi anyqtaý ádisine» ainalǵandyqtan PTR jabdyqtaryn satyp alý COVID-ke deiin de artqanyn aitty.
Qytai Syrtqy ister ministrligi «Internet 2.0» kompaniiasynyń qorytyndylarymen kelispeidi.
«Virýstardy baqylaý – ǵalymdar ainalysýy tiis mańyzdy ǵylymi másele. …Qytailyq indetke qarsy naýqan barsha álemge belgili, bári aiqyn, faktiler ýaqyt pen tarihtyń synaqtaryna tótep berýde», – dep túsindirdi QHR SIM baspasóz hatshysy Bloomberg-ke.
Demek, COVID-19 pandemiiasy 2019 jyly jazda bastaldy degen tujyrym dálelsiz.
Sondai-aq, áleýmettik jelilerde taratylǵan habarlamada 2018 jyly Ýhan institýtynyń virýsologtary basqa koronavirýstardyń bólshekterinen turatyn virýsty qoldan jasap, odan keiin oǵan qarsy vaktsina ázirlemek bolǵan dep aitylǵan. Bul jalǵan málimdeme.
SARS-CoV-2 tabiǵi virýs ekeni zertteýlermen rastalǵan, búgingi kúni onyń zerthanada jasalǵanyna naqty dálelder joq. Ol alǵash ret 2019 jyly jeltoqsanda pnevmoniiamen aýyrǵan naýqasta nýklein qyshqylyn taldaý nátijesinde anyqtaldy.
Buǵan deiin biz COVID-19 qoldan jasalǵany týraly feikterdi joqqa shyǵarǵan bolatynbyz.
