Sanitarlyq-epidemiologiialyq baqylaý komiteti «Qazaqstanda 24 shilde men 4 tamyz aralyǵynda COVID-19 órshidi» degen aqparatty joqqa shyǵardy, dep habarlaidy "Ult stopfake.kz silteme jasap.
«WhatsApp messendjerinde Qazaqstanda 24 shilde men 4 tamyz aralyǵynda COVID-19 órshidi. Osyǵan bailanysty qalalardyń ústinen ushaqtar dezinfektsiia júrgizetini» týraly habarlama taratylyp jatyr. Bul – jalǵan.
Sanitarlyq-epidemiologiialyq baqylaý komiteti bul aqparatty teriske shyǵardy.
«Bul aqparat shyndyqqa janaspaidy. Dezinfektsiialyq zattardy áýe kóliginen búrký de josparda joq», - dep habarlady vedomstvonyń resmi ókili Erjan Baitanaev.
Búgingi tańda elimizde KVI juqtyrǵan 549 628 naýqas anyqtaldy. Onyń ishinde 6 925-si 27 shildede tirkelgen.
