QR Úkimetiniń Qaýlysymen Fatima Nadyrqyzy Jaqypova bergen ótinishine sáikes Qazaqstan Respýblikasynyń bilim jáne ǵylym vitse-ministri qyzmetinen bosatyldy.
Bul týraly QR Premer-Ministriniń Baspasóz qyzmeti habarlaidy.
Eske sala keteiik, buǵan deiin Bilim jáne ǵylym vitse-ministri F.N. Jaqypova qyzmetinen ketetini jaily jazǵan bolatynbyz.
Fatima Jaqypova ǵylymi dáreje men ataqty zańsyz taǵaiyndaý máselesi boiynsha ózine qatysty aiyptaýǵa jaýap berip, aiyptaýshylardy sotqa bergendigi týraly da habarlaǵan edik.
«Birqatar buqaralyq aqparat quraldarynda, áleýmettik jelide sybailas jemqorlyq jáne ǵylymi dáreje men ataqty zańsyz taǵaiyndaý týraly maǵan qatysty aqparat tarap jatyr. Búgin Ulttyq memlekettik ǵylymi-tehnikalyq saraptama ortalyǵy dissertatsiiany tekserdi. Qazaqstanda jazylatyn ǵylymi eńbekterdi plagiatqa tekseretin jalǵyz baǵdarlama tek atalǵan ortalyqta bar» degen vitse-ministr anyqtama skrinshotyn kópshilikke usynǵan edi.
