Media salasynda qyzmet atqarǵan Nursultan Jaqsygen óziniń atynan áleýmettik jelilerde jalǵan paraqshalar ashylyp, túrli aqparattar jariialanyp jatqanyn aitty, dep habarlaidy ult.kz.
Onyń sózinshe, qazir TikTok-ta onyń atyna ashylǵan 7, al Instagram-da 11 akkaýnt bar. Jaqynda áleýmettik jelide Nursultan Jaqsygenniń anasy qaitys boldy degen jalǵan aqparat ta taraǵan.
«Ondaiǵa beijai qarai almaimyn. Sondyqtan bul akkaýnttardan men jazbadym dep nyq basyp aita alamyn», — dedi ol.
Jaqsygen Instagram-daǵy negizgi paraqshasyn 2017 jyly ashqanyn aitty. Onyń aitýynsha, akkaýntqa ózi jáne Fariza Sabyralievanyń týǵan inisi Miras Sabyráli ǵana kire alatyn múmkindikke ie bolǵan.
«Instagramdaǵy paraqshamdy 2017 jyly ashtym. Ony júrgizýge men jáne aiyptaýshy taraptyń Fariza Sabyralievanyń týǵan inisi Miras Sabyráliniń ǵana kire alatyn múmkindigi bar edi. Men basqa telefonmen kirgenniń ózinde de sol kisi rastaý bere alatyn múmkinshiligi bar», — dedi Nursultan Jaqsygen.
Ol Instagram-ǵa jii jazba jariialaýǵa ýaqyty joq ekenin, óitkeni basqa da arnalaryn júrgizetinin atap ótti. Keide TikTok-ta jariialaǵan kontentiniń basqa akkaýnttarda da shyǵatynyn aitty.
Jaqsygenniń sózinshe, Instagram paraqshasy buǵattalǵannan keiin oǵan kirý múmkin bolmaǵan. Osydan keiin onyń atynan túrli jazbalar men pikirler jariialana bastaǵan.
«Qazir meniń zhaksygen_n degen paraqsham áleýmettik jelide joq. Al myna kommentariiler jazylǵan ýaqyttarda men Instagram-dy paidalanyp otyrmaǵam. Sebebi ol kezde TikTok akkaýntta otyrǵam», — dedi ol.
Oqi otyryńyz: Nursultan Jaqsygen neshe jylǵa sottalýy múmkin?
