Álemdegi iri áleýmettik jelilerdiń biri Facebook qazaq tilin meńgergen, Qazaqstan jáne Ortalyq Aziia óńiriniń dástúri men mádenietin tereń biletin maman izdep jatyr, dep habarlaidy "Ult aqparat".
Kompaniia óziniń Facebook-tegi resmi paraqshasynda jariialaǵan habarlamada úzdik úmitkerdiń Qazaqstan naryǵyn zertteýmen ainalysatyn komandamen birge jumys isteitini habarlanǵan. Jumys orny Irlandiianyń Dýblin qalasyndaǵy keńsesinde ornalasqan.
Úmitker Qazaqstandaǵy qoldanýshylardan kelgen saýaldarǵa jaýap berip, qazaq tilindegi kontenttiń habarlamalaryn tekserýmen ainalysady, qoldanýshylarǵa qoldaý kórsetip, akkaýntqa qatysty týyndaǵan máselelermen ainalysady.
Úmitker jyldam ári sapaly jumys istep, Qazaqstanda bolyp jatqan sońǵy oqiǵalardan habardar bolyp otyrýy tiis. Sondai-aq, onyń bakalavr men magistr oqý dárejesi nemese saraptamalyq jobalar salasynda jumys ótili bolýy tiis. Úmitkerden aǵylshyn jáne qazaq tilderin erkin meńgerýi talap etiledi. Excel jáne SQL baǵdarlamalarymen jumys istei alýy - úlken artyqshylyq bolmaq.
