25-27 aqpan kúnderi Eýropa parlamentiniń delegatsiiasy resmi saparmen Nur-Sultanǵa keledi. Delegatsiia parlamenttik yntymaqtastyq komitetiniń «Qazaqstan – Eýroodaq» otyrysyna qatysady, dep habarlaidy "Ult aqparat".
Bul jóninde Qazaqstannyń Belgiiadaǵy tótenshe jáne ókiletti elshisi Aigúl Quspan Eýroparlamenttiń Ortalyq Aziia elderimen bailanys jónindegi delegatsiiasynyń otyrysynda málimdedi.
Qurmetti qonaqtardy italiialyq depýtat Fýlvio Martýshello bastap keledi. Eýropa parlamentariileri Májilistegi áriptesterimen ortaq taqyryptardy talqylaidy.
Odan bólek, eýrodepýtattar Syrtqy ister, Energetika, Indýstriia jáne infraqurylymdyq damý, Ekologiia, geologiia jáne tabiǵi resýrstar ministrlikteriniń basshylarymen jáne Bas prokýrormen kezdesedi. Sondai-aq, Qazaqstandaǵy Eýroodaq ókildigi uiymdastyrǵan sharaǵa qatysyp, elimizdegi adam quqyqtary jónindegi ýákilmen áńgime-dúken qurady.
«Biz Qaraǵandyǵa barýdy josparlap otyrmyz. Ol jerde meimandar Qaraǵandy oblysynyń basshylyǵymen jáne Qaraǵandy memlekettik ýniversitetiniń stýdentterimen kezdesedi», - deidi Aigúl Quspan.
Eýroparlament depýtattary Dolinka kentindegi saiasi qýǵyn-súrgin qurbandaryn eske alýǵa arnalǵan mýzeige (Karlag) soǵyp, Qaraǵandy oblysyndaǵy Qazaqstan halqy Assambleiasynyń ókilderimen pikir almasady.
«Dúniejúzilik saýda uiymynyń ministrlik konferentsiiasy qarsańynda, iaǵni biylǵy 6-7 maýsymda Eýroparlamenttiń taǵy bir delegatsiiasy Qazaqstanǵa keledi», - dep qosyp ótti qazaqstandyq diplomat.
Maýsymda keletin qonaqtardy nemis depýtaty, Eýroparlamenttiń halyqaralyq saýda jónindegi komitetiniń basshysy Bernd Lange bastap keledi.
Eýropalyq depýtattar Qazaqstanǵa sapar Qazaqstan men Eýropalyq Odaq arasyndaǵy bailanysty nyǵaita túsedi degen senimde.
«Qazaqstanǵa sapar - Eýroparlamenttiń jańa quramy úshin mańyzdy qadam bolmaq. Biz Qazaqstandy osy óńirdi damytýdaǵy qozǵaltqysh kúsh dep sanaimyz. Biz bul elge Qazaqstan Prezidenti Qasym-Jomart Toqaevtyń Briýsselge saparynan keiin 10 kúnnen keiin baramyz. Búginde Toqaev reformamen jáne óziniń sailaý aldynda bergen ýádelerin oryndaýmen belsendi túrde ainalysyp jatyr. Eýroodaq parlamentariileri Qazaqstan Prezidentiniń reformalaryn qoldaidy jáne olardy júzege asyrýǵa kómegin aiamaidy», - dep atap ótti latviialyq Eýroparlament depýtaty Andris Ameriks.
