Sloveniia úkimeti beisenbi kúni keshke resmi túrde óz aýmaǵynda koronavirýs indetiniń aiaqtalǵanyn jariialady. Bul - Eýropa elderiniń arasynda osyndai málimdeme jasaǵan alǵashqy el, dep habarlaidy Reuters.
Sońǵy eki apta ishinde kún saiyn elde koronavirýstyń jeti jańa oqiǵasy anyqtalǵan. EO-nyń basqa elderinen Sloveniiaǵa kelgen adamdar sáýir aiynyń basyndaǵydai jeti kún karantinde bolýǵa mindetti emes. Italiiamen, Aýstriiamen, Vengriiamen jáne Horvatiiamen shektesetin 2 million halqy bar elde 1464 adam koronavirýs juqtyryp, virýs saldarynan 103 ólim tirkeldi.
«Sloveniia sońǵy eki aida epidemiiany qysqartty... Búginde Sloveniiada Eýropadaǵy eń jaqsy epidemiologiialyq jaǵdai tirkelip otyr», - dep málimdedi premer-ministr Ianez Iansha.
Epidemiianyń aiaqtalýyna bailanysty koronavirýstan zardap shekken azamattar men kompaniialarǵa kórsetiletin qarjylai kómek te mamyrdyń sońynda bitedi.
Úkimet koronavirýs infektsiiasy belgileri bar shetel azamattarynyń elge kirýge tyiym salynatynyn málim etti.
Azamattar burynǵysha infektsiianyń taralýynyń aldyn alý úshin negizgi erejeni saqtaýy tiis. Adamdar jabyq qoǵamdyq oryndarǵa maska taǵyp, bir-birinen 1,5 metr qashyqtyqty saqtaýy tiis jáne qoldaryna dezinfektsiia jasaýǵa mindetti.
