Eýropalyq odaq vaktsina alǵan týristerge shekarasyn ashýǵa resmi kelisti. Bul týraly Eýropalyq komissiianyń ókili Kristian Vigand brifingide málim etti, dep habarlaidy "Ult aqparat".
«EO elshileri Eýropalyq odaqqa tys jerlerden keletinderdiń saparlaryna bailanysty ózgertýler engizýge kelisti. Keńes endi múshe elderdi vaktsina alǵandar úshin shekteýlerdi jeńildetýge shaqyrady», - dedi ol.
Onyń aitýynsha, EO sonymen qatar shekara qatal shekteýlersiz ashyq bolatyn elder tizimin keńeitpek. Otyrysta mundai elderdi anyqtaýdyń jańa kriteriileri kelisildi.
Resmi túrde bul sheshimdi jaqyn arada EO Keńesi bekitýi kerek.
Týristerdiń vaktsina alǵandyǵyn rastaý boiynsha máseleni EO ár elmen jeke qarastyrmaq.
EO-ǵa múshe elderdiń shekarasy koronavirýs pandemiiasy bastalǵan kezden beri mańyzdy emes saparlar (iaǵni, týrizm) úshin jabyq bolǵan.
