Eýropalyq komissiianyń prezidenti Ýrsýla von der Liaien Belgiianyń Pýýrs qalasynda vaktsina shyǵaratyn zaýytqa baryp qaitty, dep habarlaidy "Ult aqparat".
Eýroodaq basshysymen saparda Belgiianyń premer-ministri Aleksandr De Kroo birge erip júrdi. Joǵary ókiletti sheneýnikter «Pfizer» vaktsinasyn shyǵaratyn kásiporyn qyzmetkerlerimen áńgime barysynda olarǵa táýlik boiy vaktsina óndirip jatóandary úshin alǵys aitty.
«Olar (qyzmetkerler) - shilde aiyna qarai eresek turǵyndardyń 70 paiyzyna ekpe salýǵa qol jetkizýbek maqsatymyzda mańyzdy ról atqaryp otyr. Bizdiń vaktsinalaý naýqanymyz qarqyndy júrgizilip jatyr. Eýroodaqtyń shildede eresek turǵyndardyń josparlap otyrǵanyn sanyna ekpe salý úshin vaktsina dozalary jetkilikti bolatynyna senimdimin», - dedi Liaien.
Belgiianyń Pýýrs qalasyndaǵy zaýyt jylyna Pfizer kompaniiasynyń 1 mlrd dozasyn shyǵarady. Osy aida Eýropanyń dári-dármek jónindegi agenttigi bul zaýyttyń óndiristik qýattylyǵyn taǵy 20 paiyzǵa ósirýdi maquldady. Bul sheshim kásiporyndy Eýropada dári-dármekter shyǵarý boiynsha eń iri oryndardyń biri etpek.
«Pýýrs zaýytynda jaqsy uiymdastyrylǵan óndiristiń arqasynda biz vaktsinalaý boiynsha mindetterge aǵymdaǵy jyldyń shildesine qarai qol jetkize alamyz. Eger qajet bolsa, balalar men jasóspirimderdiń de qaýipti virýstan vaktsinalaýdy da uiymdastyra alamyz», dep málimdedi Eýroodaq basshysy.
