Eýropalyq Odaqqa múshe 27 el koronavirýsqa qarsy jalpy alǵanda 1 mlrd astam tsifrlyq qaýipsizdik sertifikatyn shyǵardy. Bul sandy Eýropalyq komissiianyń basshysy Ýrsýla fon der Liaien aityp ótti, dep habarlaidy QazAqparat.
«Eýropalyq Odaq sertifikaty – 60 el men aimaqty qamtityn álemdik standart. Bul EO jáne onyń syrtynda qaýipsiz saiahattaýǵa múmkindik beredi», - dedi Ý.Liaien Twitter jelisi arqyly.
Seisenbi kúni Eýrokomissiia Covid-19 virýsyna qarsy vaktsinanyń tsifrlyq sertifikaty 270 kúnge (9 ai) jaramdy bolatynyn qarastyratyn erejelerdi bekitti. Qatysýshy elder kovid-sertifikattary ieleriniń búkil Odaq aýmaǵynda erkin saiahattaýy úshin buǵan yńǵailanýy tiis.
Sertifkat jaramdylyǵynyń merzimi Eýropanyń Aýrýlardyń aldyn alý jáne qadaǵalaý ortalyǵy usynǵan keńester negizinde ornatylǵan. Adam COVID-19 virýsyn qarsy vaktsinalaýdyń bastapqy kýrsy aiaqtalǵannan keiin alty ai ótken soń vaktsinanyń býsterlik dozasyn alýy tiis. Bul merzimge taǵy úsh ai qosylǵan. Jańa tártip 2022 jyldyń 1 aqpanynan bastap kúshine enedi. 9 ailyq merzim sońǵy dozany alǵannan bastap esepteledi.
Tsifrlyq kovid-sertifikatynyń toǵyz ailyq merzimi qatardaǵy eýropalyqtarǵa saiahattai alatynyna senimdi bolýyna arnalǵan. Qazirgi kezde EO-ǵa múshe elderdiń mindeti – adamdarǵa vaktsinanyń «býsterlik» dozasyn alý múmkindigin jedel qamtamasyz etý.
Tsifrlyq qaýipsizdik sertifikaty – adam koronavirýsqa qarsy ekpe alǵanyn, aýrýdan jazylǵanyn nemese PTR teris nátijesin kórsetetin qujat.
