Birikken Ulttar uiymynyń klimatty ózgertý boiynsha 26-shy konferentsiiany ótkizý – durys baǵyttaǵy qadam. Mundai pikirdi Eýrokomissiia basshysy Ýrsýla von der Liaien aitty, dep habarlaidy QazAqparat.
«Jahandyq jylynýdy Tselsii boiynsha 1,5 gradýsqa shekteý qol jeterlik deńgeide qalyp otyr, biraq jumys ál de aiaqtalýdan alys. Bizdiń qazirgi kezde qoldan keletinimiz – Glazgodaǵy sammitte bergen ýádelerimizdi iske asyrý, odan keiin odan da joǵary deńgeige jetýge umtylý», - dep atap ótti Ý.Liaien.
Eýrokomissiia basshysy eýroistitýttyń atqarýshy vitse-prezidenti Frans Timmermansqa onyń Glazgodaǵy kelissózderde sheshýshi róli jáne KS-22 kelisimi múmkin bolýy úshin atsalysqandardyń barlyǵyna alǵysyn bildirdi.
Ý.Liaien Glazgo qalasyndaǵy konferentsiianyń basynda úsh maqsat qoiylǵanyn atap ótti, olar:
1) jahandyq jylynýdy 1,5 gradýsqa deiin shekteý boiynsha maqsattan qalyp qoimaý úshin aǵymdaǵy onjyldyq ishinde qaldyqtardy qysqartý boiynsha mindettemelerge jetý.
2) damýshy jáne osal elder úshin jylyna 100 mlrd dollar kóleminde klimattyq qarjylandyrý maqsatyna jetý.
3) Parijdik klimat jónindegi kelisýshilikterdiń erejeler jinaǵyn kelisý.
«Biz atalǵan úsh maqsat boiynsha progreske qol jetkizdike. Osylaisha, birneshe iri emitent qaldyqtardy qysqartý boiynsha jańa maqsattary týraly jariialady. Metan boiynsha Jahandyq kelisýshilikke 100-den astam el qosylǵan. Biz elderdi, mysaly Ońtústik Afrikany jańa energiiaǵa ótýi kezinde qoldaý úshin jańa seriktes qatynastardy bastadyq», - delingen habarlamada.
«Glazgoda jariialanǵan uzaqmerzimdi mindettemeler oryndalatyn bolsa, biz jahandyq jylynýdy 2 gradýstan tómen deńgeide saqtaýymyz qajet. Sondyqtan kelesi jyly Mysyrda ótetin klimat boiynsha konferentsiianyń bizdi jahandyq jylynýdy 1,5 gradýsqa shekteý jolyna berik qoiatyndai jumys isteýimiz kerek. Árqaisy jaýapkershilikti júkteýi tiis. 2030 jylǵa qarai biz Eýroodaqta qaldyqtardy kem degende 55 paiyzǵa qysqartyp, 2050 jylǵa qarai alǵashqy «klimattyq beitarap» bolamyz. Seriktesterimizdi olardyń klimattyń ózgerýine ótýin jyldamdatý jolynda qoldaýymyzdy jalǵastyramyz», - dep atap ótti Ý.Liaien.
