Búgin elordada Eýraziialyq úkimetaralyq keńestiń keńeitilgen otyrysynan keiin birqatar qujatqa qol qoidy, dep habarlaidy QazAqparat.
Sonymen, «Tasymaldardy baqylaý úshin navigatsiialyq plombalardy EAEO aýmaǵynda paidalaný týraly kelisimdi iske asyrý týraly» máselesi aiasyndaǵy jáne EAEO-nyń biryńǵai keden tarifiniń kedendik baj salyǵyna qatysty tapsyrmalaryna qol qoiyldy.
Úkimet basshylary EAEO-nyń integratsiialanǵan aqparattyq júiesiniń jaǵdaiy men damytý perspektivalary týraly qaýlyny bekitti.
Sonymen qatar búgingi otyrysta 2014 jylǵy 29 mamyrdaǵy EAEO týraly shartqa ózgerister engizý týraly hattama jobasy jónindegi tapsyrma qamtyldy. Osy oraida jeke tulǵalar ótkizetin taýarlardy elektrondy saýdalaý kezinde janama salyqty óndirý tártibine qatysty bolyp otyr.
Premer-Ministrler qaraýyna aýyl sharýashylyǵy ónimderin jedeldetilgen konteinerlik temirjoldyq tasymaldaýdy júzege asyrý jónindegi birlesken joba týraly qujat engizildi.
Munymen qosa, kólik quraldarynyń jekelegen túrlerine qatysty Keden odaǵy komissiiasynyń keibir sheshimine ózgerister engizý týraly, sondai-aq «EAEO-nyń jekelegen bastamalaryna Ózbekstannyń qatysýy týraly» máseleler aiasynda tapsyrmaǵa qol qoiyldy.
Qol qoiylǵan qujattardyń arasynda «EAEO-ǵa múshe memleketterdegi makroekonomikalyq jaǵdai jáne ornyqty ekonomikalyq damýdy qamtamasyz etý boiynsha usynystar týraly», «2022-2023 jyldarǵa arnalǵan EAEO-ǵa múshe memleketterde azamattyq aviaqurylys salasynda ónerkásiptik yntymaqtastyqty keńeitý boiynsha is-sharalar kesheni týraly», «Joǵarǵy Eýraziialyq ekonomikalyq keńeske Eýraziialyq ekonomikalyq komissiia keńesi múshesin usyný týraly», «Eýraziialyq úkimetaralyq keńestiń otyrysyn ótkizý ýaqyty men orny týraly» qaýlylar bekitildi.
