Foto: IIM Ulttyq ulanynyń baspasóz qyzmeti
QR IIM Ulttyq ulan áskeri qyzmetshilerdiń tamaqtaný ratsionyna ulttyq taǵamdardy engizbek, dep habarlaidy Ult.kz.
Bul týraly QR IIM Ulttyq ulannyń Bas qolbasshylyǵynda Qazaqstan Respýblikasy Qorǵanys ministrligi, UQK, UQK Shekara qyzmeti jáne Tótenshe jaǵdailar ministrligi tyl qyzmetteri ókilderiniń qatysýymen ótken dóńgelek ústel barysynda belgili boldy.
Jańartylǵan áskeri ratsionǵa qazaqsha et, baýyrsaq, sirne, naýryz kóje, naryn, kespe jáne basqa da dástúrli taǵamdar engiziledi. Ulttyq Ulannyń baspasóz qyzmetiniń habarlaýynsha bul ózgerister Qazaq tamaqtaný akademiiasymen aldyn ala kelisilgen.
"Kaloriiasy men energetikalyq qundylyǵy joǵary ulttyq taǵamdarmen baiytylǵan ratsion zat almasýdy, immýnitetti jaqsartýǵa jáne qarqyndy júktemeden keiin kúsh-qýatty qalpyna keltirýge yqpal etedi. Áskeri meditsina jáne psihologiia salasyndaǵy sarapshylar dástúrli taǵamdar týǵan jerin, jaqyn adamdaryn eske salyp, mádeni muramen bailanysty arttyrady dep esepteidi", - delingen habarlamada.
