Essekste júk kóliginen 39 adamnyń máiiti tabylǵannan keiin Vetnam politsiiasy 8 adamdy qamaýǵa aldy, dep habarlaidy VVS.
Vetnam sheneýnikteri Ulybritaniiaǵa 31 er jáne 8 áiel adamdy anyqtaýǵa resmi túrde kómek kórsetýge bardy. Al qamaýǵa alynǵan adamdar adam kontrabandasyna bailanysty qylmys jasady dep aiyptalyp otyr. Ótken aptada Vetnamnyń Ha-Tin provintsiiasynda taǵy eki adam qamaýǵa alyndy.
Aita ketý kerek, 23 qazan kúni Essekste júk kóliginen 39 adamnyń máiiti tabyldy. Juma kúni Esseks politsiiasy olardyń vetnamdyqtar ekenin habarlady. Aldymen qytailyqtar degen boljam jasalǵan bolatyn.
Esseks politsiiasy Vetnammen jáne Ulybritaniiamen, sonymen qatar Vetnam úkimetimen tikelei bailanys ornatqanyn aitty. Al memlekettiń syrtqy ister ministrliginiń baspasóz hatshysy oqiǵany «úlken gýmanitarlyq problema» dep atady.
