Ulttyq qoǵamdyq senim keńesiniń múshesi Daniia Espaeva Ulttyq keńestiń ekinshi otyrysyndaǵy Memleket basshysynyń tapsyrmalaryna qatysty pikir bildirdi, dep habarlaidy QazAqparat.
«Birinshi otyrystan beri úsh ai ýaqyt ótti. Osy qysqa merzimde barlyq úsh blok usynystaryn berdi. Prezident Ákimshiliginde 18 otyrysy ótti. Bul óz kezeginde aýqymdy jumys atqarylǵanyn bildiredi, iaǵni árbir blok 30-dan kem emes usynys engizdi. Búgin Prezidenttiń sózinen usynystardyń kóbi qabyldanǵanyn túsindim», - dedi Daniia Espaeva.
Aita keteiik, ol Ulttyq keńestiń ekonomikalyq blogynyń quramynda jumys isteýde.
«Ekonomikalyq blok qamtyǵan usynystardyń kóbi boiynsha Prezident deńgeiinde sheshim qabyldanǵany qýantady. Sonymen qatar, saiasi reformalar da nazardan tys qalmady. Ózderińiz bilesizder, qoǵamnyń damý protsesi bar. Sondyqtan partiialardy tirkeýge qatysty másele mańyzdy boldy. Búgingi otyrys barysynda biz jaqsy jańalyqty estidik, músheleri sany 20 myń bolsa, partiiany tirkeý múmkindigi týraly aityldy. Iaǵni partiiany tirkeýde músheler sanynyń tómengi shegi eki esege azaitylmaq», - dedi D. Espaeva.
Aita keteiik, qazir saiasi partiiany tirkeý úshin onyń kem degende 40 myń múshesi bolýy kerek.
Ulttyq qoǵamdyq senim keńesiniń 2-otyrysynda QR Prezidenti Qasym-Jomart Toqaev tirkeý úshin partiia músheleri sanynyń tómengi shegin eki esege azaitýdy usyndy, iaǵni 20 myńǵa deiin.
