Koronavirýs maýsymdyq aýrýlar tobyna enedi. Bul týraly onlain baspasóz máslihatynda Qazaqstannyń bas memlekettik sanitar dárigeri Aijan Esmaǵambetova málim etti, dep habarlaidy "Ult aqparat".
Nysandardyń jumysyn jandandyrý birtindep júrip jatqanyna toqtalǵan ol: «Osy nysyndarǵa sanitarlyq-dezinfektsiialyq rejimdi saqtaý boiynsha qosymsha talaptar eskerilgen. Kásipkerlik nysandaryn iske qosý birtindip júrgiziledi, iaǵni adamdardyń qarym-qatynasy barynsha azaiady», - dedi.
Sonymen qatar Qazaqstannyń bas memlekettik sanitar dárigeri kásipkerlik nysandary tiisti talaptardy oryndaýǵa mindetti ekenin atap ótti.
«Karantin bolmaǵannyń ózinde biz koronavirýspen qatar ómirimizdi jalǵastyratynymyzdy túsinýimiz kerek. Bul indet maýsymdyq aýrýlar tobyna kóshedi, iaǵni buǵan deiingi qus tumaýy sekildi jaǵdai oryn alady. Sondyqtan biz osymen ómir súrýge daǵdylanyp, qorǵaný sharalaryn úirenip, kúndelikti profilaktikalyq sharalaryn iske asyrý kerek. Sáikesinshe, kásipkerlik nysandary, kez kelgen óndirister bekitilgen talaptardy oryndaýy tiis», - dedi Aijan Esmaǵambetova.
