كوروناۆيرۋس ماۋسىمدىق اۋرۋلار توبىنا ەنەدٸ. بۇل تۋرالى ونلاين باسپاسٶز مەسليحاتىندا قازاقستاننىڭ باس مەملەكەتتٸك سانيتار دەرٸگەرٸ ايجان ەسماعامبەتوۆا مەلٸم ەتتٸ, دەپ حابارلايدى "ۇلت اقپارات".
نىسانداردىڭ جۇمىسىن جانداندىرۋ بٸرتٸندەپ جٷرٸپ جاتقانىنا توقتالعان ول: «وسى نىسىندارعا سانيتارلىق-دەزينفەكتسييالىق رەجيمدٸ ساقتاۋ بويىنشا قوسىمشا تالاپتار ەسكەرٸلگەن. كەسٸپكەرلٸك نىساندارىن ٸسكە قوسۋ بٸرتٸندٸپ جٷرگٸزٸلەدٸ, ياعني ادامداردىڭ قارىم-قاتىناسى بارىنشا ازايادى», - دەدٸ.
سونىمەن قاتار قازاقستاننىڭ باس مەملەكەتتٸك سانيتار دەرٸگەرٸ كەسٸپكەرلٸك نىساندارى تيٸستٸ تالاپتاردى ورىنداۋعا مٸندەتتٸ ەكەنٸن اتاپ ٶتتٸ.
«كارانتين بولماعاننىڭ ٶزٸندە بٸز كوروناۆيرۋسپەن قاتار ٶمٸرٸمٸزدٸ جالعاستىراتىنىمىزدى تٷسٸنۋٸمٸز كەرەك. بۇل ٸندەت ماۋسىمدىق اۋرۋلار توبىنا كٶشەدٸ, ياعني بۇعان دەيٸنگٸ قۇس تۇماۋى سەكٸلدٸ جاعداي ورىن الادى. سوندىقتان بٸز وسىمەن ٶمٸر سٷرۋگە داعدىلانىپ, قورعانۋ شارالارىن ٷيرەنٸپ, كٷندەلٸكتٸ پروفيلاكتيكالىق شارالارىن ٸسكە اسىرۋ كەرەك. سەيكەسٸنشە, كەسٸپكەرلٸك نىساندارى, كەز كەلگەن ٶندٸرٸستەر بەكٸتٸلگەن تالاپتاردى ورىنداۋى تيٸس», - دەدٸ ايجان ەسماعامبەتوۆا.
