Indoneziiada ótip jatqan Aziia oiyndarynda kanoede eskek esýshiler Sergei men Timofei Emelianovtar búgingi kúnniń úshinshi medalin qorjynǵa saldy, dep habarlaidy "Ult aqparat".
Qazaqstandyq kanoeshiler Ózbekstan komandasyn basyp ozyp, ekinshi orynǵa taban tiredi. Altyn medal - qytailyqtardyń enshisinde.
Buǵan deiin habarlaǵanymyzdai, 30 tamyz kúni tańǵy saǵat 07.30-da Palembangte kanoe men baidarkada eskek esýden finaldyq jarystar bastaldy. Tórt adam bolyp 500 metrge jarysýda Qazaqstan komandasy - «altynǵa», jup bolyp 1000 metrge eskek esýde «kúmiske» qol jetkizgen bolatyn.
Osy ýaqytta Qazaqstan jalpy esepte 11-orynda ornalasyp otyr. Qorjyndaǵy 54 medaldiń 9 - altyn, 11 - kúmis, 34 - qola.
Búgin qazaqstandyqtar sporttyń 9 túrinen baq synaidy.
