Prezident Toqaev sintetikalyq esirtki tutynatyndardyń kóbeiýi ult saýlyǵyna zor qaýip tóndirip jatqanyn aitty, - dep habarlaidy "Ult aqparat".
"Qazirgi ahýal óte kúrdeli, sońǵy úsh jylda tárkilengen «sintetikanyń» kólemi 10 ese artqan. Ýaqyt ótken saiyn mundai esirtki arzan ári qoljetimdi bola bastady. Nashaqorlar ony áleýmettik jeli men túrli messendjer arqyly emin-erkin satyp alyp jatyr. Esirtkini, tipti, úige ákep beretinder bar. Bul – asa qaýipti ári aýqymdy áleýmettik kesel.
Sintetikalyq esirtkini óndirýge jáne taratýǵa qarsy kúres jalpyulttyq deńgeide júrgizilýge tiis. Sondyqtan nashaqorlyqpen jáne esirtki saýdasymen kúresýdiń keshendi josparyn ázirleý qajet" - dedi Memleket basshysy Qazaqstan halqyna Joldaýynda.
