Jyl basynan beri qazaqstandyq internet qoldanýshylarǵa esirtkini, psihotroptyq zattarmen prekýsorlardy taratýǵa baǵyttalǵan málimet usynǵan 965 sait anyqtalǵan, dep habarlaidy QazAqparat.
Ishki ister ministrliginiń aqparat alańynda ótken brifingide Esirtki qylmysyna qarsy is-qimyl departamentiniń basqarma bastyǵy Berikhan Nurǵaliev osyndai málimet berdi.
«Esirtkini jarnamalap, nasihattaityn saittardy buǵattaý máselesine kelsek, esirtki qylmysyna qarsy is-qimyl departamenti internet keńistikke turaqty montoring júrgizip otyr. Sol arqyly esirtkini, psihotroptyq zattar men prekýsorlardy taratýǵa baǵyttalǵan málimeti bar saittardy, áleýmettik jelidegi jazbalardy, jarnamalardy anyqtaidy. Aptanyń jeti kúninde 24 saǵat boiy monitoring jasaý arqyly belgili bolǵan saittar QR Aqparat jáne qoǵamdyq damý ministrligine buǵattaý úshin joldanady. Olar biz bergen málimetter boiynsha jedel sheshim qabyldaidy. Jyl basynan beri 965 sait anyqtalyp, 555-i buǵattaldy. Bul baǵyttaǵy jumys turaqty rejimde jalǵasyp keledi», - dedi Berikhan Nurǵaliev.
