Almaty politsiiasy esirtki kýrerleri betbelgi qoiý úshin kofe staqandaryn paidalanatynyn aitty, – dep habarlaidy Polisia.kz.
Almaty politsiiasy arnaiy is-shara barysynda sintetikalyq esirtkini kóterme satýshylar men bólshek saýdada taratýshylardy ustady. Belgili bolǵandai, olar juppen jumys istegen.
"Birneshe kún buryn 27 jáne 29 jastaǵy almaty azamattary ustaldy. Olardan mefedron sintetikalyq psihotroptyq zaty bar 36 býma tárkilendi.
Arnaiy is-sharalar barysynda jastar esirtkini turaqty jetkizýshilerden satyp alǵany anyqtaldy. Belgili bolǵandai, bul adamdar tek senimdi satýshylarmen “jumys isteýdi” jón kórgen.
Qaskóilerdiń jalǵa alǵan úiinen, atap aitqanda, tońazytqyshtan jalpy salmaǵy 2 kelige jýyq untaqty zat salynǵan 745 býma tabyldy jáne tárkilendi. Ustalǵandar qylmystaryn moiyndap, esirtkini kóp mólsherde Almaty oblysynyń eldi mekenderinen alǵandaryn aitty. Kúdiktiler iri kólemdegi esirtkini kofe staqandaryna jasyrǵan", – deidi Almaty qalalyq PD esirtki qylmysyna qarsy kúres basqarmasynyń bastyǵy Erlan Álmaǵambetov.
Qylmystyq isti Almaly aýdandyq PB-ǵa qarasty politsiia bólimi QR QK-niń 297-baby 3-bóligi boiynsha tergep jatyr. Ustalǵandar qamaýǵa alyndy.
QR QK-niń 201-babyna sáikes ózge aqparat tergeý múddesine orai jariia etilmeidi. QR Konstitýtsiiasynyń 77-baby 3-bólimi 1-tarmaǵy, QR QK-niń 19-baby 1-tarmaǵyna sai kez kelgen azamat sot sheshimi zańdy kúshine engenge deiin kinásiz dep sanalady.
