Foto: Lada.kz
Búgin Sh.Esenov atyndaǵy Kaspii memlekettik tehnologiialar jáne injiniring ýniversitetinde kórnekti aqyn, QR Memlekettik syilyǵynyń iegeri Esenǵali Raýshanov atyndaǵy stipendiiany tabystaý rásimi ótti, dep habarlaidy Ult.kz.
Is-sharaǵa ýniversitet basshylyǵy, oqytýshy-professorlar quramy men stýdentter, sondai-aq «Ulttyq qundylyq. Qazaq etnografiiasy jáne Zeinolla Sánik» atty respýblikalyq ekspeditsiianyń músheleri qatysty.
Stipendiiaǵa oqý úzdikteriniń arasynan iriktelip, «Qazaq tili men ádebieti» mamandyǵynyń 2-kýrs stýdenti Jánibek Joldybaev laiyq dep tanyldy. Marapatty Qazaqstan Jazýshylar odaǵynyń Basqarma Tóraǵasy Mereke Qulkenov saltanatty túrde tabystady.
Syilyqty qarjylandyryp otyrǵan — ulttyq murany qoldaýǵa baǵyttalǵan Zeinolla Sánik atyndaǵy mádeniet qory. Bul bastama – ádebietke beiim, qabiletti jastardy qoldap, Esenǵali Raýshanovtai dara tulǵalardyń rýhani jolyn jalǵastyrýǵa yntalandyrý maqsatynda júzege asyp otyr.
